Elkarrizketan, zeharkakotasunean eta hibridazioan oinarritutako saiakuntzazko eta garapen-bideko prozesuak bultzatzea, berrikuntza irekia eta polinizazio gurutzatua sustatzeko.

“Zer”-ak berriro zehaztea eta, horretarako, “Nola”-k eraldatzea (metodologiak eta harremanaren, antolakuntzaren eta ekoizpenaren sistemak).

Living lab txikiak abian jartzea eta, bertan, prototipoen testak egitea, errealitate zehatzekin eta berariazko interes-taldeekin lotutako jarduketak kontuan hartuta.

Oinarri kulturaleko I+G euskal sistema teknozientifikoaren parte dela aitortzea.

Solaserako eta ordezkaritza kolektiborako tresna eratzea, honako honexetan eragiteko gaitasuna duena: kulturaren, berrikuntzaren, industria sortzaileen eta kulturaren ekonomiaren arloko legeria, politikak eta planak.

Interes publikoko beste arlo batzuetan, berrikuntza kulturalari laguntzeko eta kulturan eragiteko ereduak bultzatzea, irizpide objektiboagoak, gardenagoak, bereizgarriagoak eta kualitatiboagoak kontuan hartuta.

KARRASKANeko erakundeen euren arteko, beste erakunde kultural eta sortzaile batzuekiko eta beste sektore batzuetako erakundeekiko lotunea eta trukea sustatzea.

Erakunde publiko eta pribatuen arteko harremanak suspertzea (eta, horretarako, arreta berezia eskaintzea lankidetzarako dinamika bateratuekin bat egiteko gai diren proiektuei).

Tokian-tokian nahiz nazioartean, honako hauxe sustatzea: lankidetzarako mekanismoen garapena, sinergien sorrera, elkarrekiko laguntza eta jakintzaren trukea zein igorpena.

Euskadiko kulturaren eta sormenaren arloko produktuen, zerbitzuen eta esperientzien inguruko eskaintzaren eta eskariaren kualifikazioa bilatzea, haien jakintza, erabilera eta gozamena zabaltzeko.

Honako arlo hauetan, enpresa-sarearen eta hirugarren sektorearen garapena eta sendotasuna sustatzea: kultura, berrikuntza, industria sortzaileak eta kulturaren ekonomia.

Arau-esparruak eta kode deontologikoak ezartzea.

Garapen-bidean dauden arlo profesional eta sektore berriak antzematea eta bultzatzea.

Mugikortasuna eta espezializazioa sustatzea.

Erakundeen kudeaketan berrikuntzarako eta modernizaziorako prozesuak garatzea.

Sektoreko errealitatearekin eta ekimenen tipologiarekin bat datozen adierazleen sistemak eta ebaluazio-sistemak diseinatzea eta ezartzea.

Kulturaren balio sozialaren aitortza handiagoa lortzea, herritarrekiko hurbiltasuna berreskuratzeko eta berriro ere funtsezko eskubidetzat hartzeko.

Komunikabideetan, hezkuntza-sisteman eta beste arlo sozial batzuetan, jarduketa kulturalen agerikotasun kualitatibo eta dibertsifikatuagoa bilatzea.

Ikus-entzule eta subjektu sortzaile berrien garapenean lan egitea.